Sinuziti : simptomat, shkaqet, diagnoza, rrisqet.

Sinusiti është një proces inflamator ose infektiv i cili prek zgavrat të cilat lidhen ngushtë me funksionalitetin e hundës. Pra, është një patologji e sistemit të frymëmarrjes.

Simptomat janë të ndryshme, në varësi të intensitetit të reaksionit inflamator ose infektiv të zgavrave të sinusit. Ato variojnë nga një dhimbje koke e shpeshtë, në një kongjestion të theksuar të hundës deri në forma më të avancuara që përfshijnë praninë të temperaturës shumë të lartë dhe dhimbje në pjesën e përparme të fytyrës, sidomos në regjionin frontal supraorbital dhe maksilar.

Shkaqet janë të shumta, por të gjitha na orientojnë në një problematikë të vetëm: kongjestion nazal i theksuar dhe i vazhdueshëm. Në këto kushte rrugët e frymëmarrjes midis hundës dhe zgavrave të sinusit bllokohen për shkak të kongjestionit inflamator dhe nuk ka më shkëmbim ajri, ka një stagnim të sekrecioneve, një reaksion inflamator ose infektiv.

Diagnoza bazohet në dy qasje thelbësore: qasja klinike, e cila përfshin një ekzaminim të quajtur rinoskopi ose eksplorimin e zgavrave të hundës me një sondë endoskopike të pajisur me kamerë. Nga ana tjetër, nga pikëpamja radiologjike rekomandohet një skaner (CT) i masës së fytyrës, i cili është standardi i artë për konstatimin e pranisë reale të një patologjie sinusale. Pa kryerjen e skaneri ( CT ) është e pamundur një diagnozë e saktë.

Sinusiti përfshin rreziqe që lidhen me një patologji shume të gjërë. Dallojmë klinikisht një sinusit akut, kur shërohet brenda një jave ose një patologji subakute e sinusit, kur shqetësimi vazhdon për rreth tre muaj, dhe më pas mbi tre muaj flasim për sëmundje kronike të sinusit dhe rreziqet lidhen pikërisht me kronizimin e patologjisë që përfshin mosfunksionimin e sinusit dhe praninë e disa simptomave të cilat ndikojnë edhe në cilësinë e jetës, si: dhimbje koke e përsëritur, sekretimi i pasmë i hundës dhe të gjitha ato simptoma të lidhura me një inflamacion kronik infektiv, pra, temperaturë të përsëritur e shkallës së ulët.

Sinusiti është një patologji që duhet trajtuar dhe kornizuar menjëherë.