Arsyeja më e zakonshme për operacionin e zëvendësimit të gjurit është lehtësimi i dhimbjeve të forta të shkaktuara nga osteoartriti. Personat që kanë nevojë për ndërhyrje kirurgjikale të gjurit zakonisht kanë probleme në ecje, ngjitje të shkallëve dhe uljen në karrige. Disa gjithashtu kanë dhimbje në gju gjatë pushimit.
Për shumicën e njerëzve, proteza e gjurit siguron lehtësim të dhimbjes, lëvizje të përmirësuar dhe një cilësi më të mirë të jetës. Dhe shumica e protezave gjurit mund të pritet të zgjasin më shumë se 15 vjet.
Tre deri në gjashtë javë pas operacionit, mund të rifilloni shumicën e aktiviteteve të përditshme.
Pas rimëkëmbjes, ju mund të përfshiheni në aktivitete të ndryshme me ndikim të ulët, të tilla si ecje, not, golf ose biçikletë. Por duhet të shmangni aktivitete me ndikim më të lartë – siç janë vrapimi, skijimi, tenisi dhe sportet që përfshijnë kontaktin me objekte të forta ose kërcimin. Bisedoni me mjekun ortoped për ecurinë pas ndërhyrjes.
Lloje të ndryshme të artritit mund të ndikojnë në artikolacionin e gjurit. Osteoartriti, një sëmundje degjenerative e kyçeve që prek kryesisht moshën e mesme dhe të moshuar, mund të shkaktojë dëmtimin e kërcit të kyçeve dhe kockave në gjunjë. Artriti reumatoid, i cili shkakton inflamacion të membranës sinoviale dhe rezulton me lëng të tepërt synovial, mund të çojë në dhimbje dhe ngurtësi. Artriti traumatik, artriti për shkak të dëmtimit, mund të shkaktojë dëmtim të kërcit të gjurit.
Qëllimi i operacionit për zëvendësimin e gjurit është të zëvëndësoni pjesët e nyjës së gjurit që janë dëmtuar dhe të lehtësojë dhimbjet e gjurit që nuk mund të kontrollohen nga trajtime të tjera.
Kontakto departamentin e Ortopedisë në Spitalin Salus në numrin 0682053180 / info@salus.al
