Cilat janë shkaqet e hidrocelës?

‍⚕️Hidrocela është një grumbullim jo i dhimbshëm i lëngjeve ujore rreth njërit apo të dy testikujve. Hidrocelat janë të zakonshme tek të sapolindurit, por mund të shfaqen edhe tek të rriturit e çdo moshe.

Shpeshherë hidrocela nuk shkakton simptoma por mund të vëreni zgjerim të skrotumit, dhimbje, ënjtje ose skuqje të skrotumit.

❓Cilat janë shkaqet e hidrocelës?
Kur hidrocela është e pranishme tek i porsalinduri ajo formohet për shkak të mungesës së ri-absorbimit të lëngut të pranishëm në qeset që formohen gjatë zhvillimit të testikujve.

Në përgjithësi, gjatë lindjes, këto qeska janë plotësisht të mbyllura dhe nëse ka ndonjë lëng brenda ato quhen hidrocelë jo komunikuese. Në rastin e hidrocelës komunikuese, qeskat mbesin të hapura. Për më tepër, në vitet e para të jetës, ethet dhe infeksionet mund të shkaktojnë një rritje të lëngjeve në zgavrën e barkut, e cila në rast se një qeskë nuk është mbyllur siç duhet, mund të kalojë në skrotum.

Tek të rriturit, një hidrocele mund të vijë si pasojë e inflamacionit të epididimës ose testikulit ose traumave në scrotum. Në këtë rast ne flasim për hidrocelë reaktive ose sekondare.

❓Cilat janë simptomat e hidrocelës?
Në mënyrë tipike simptoma e vetme e hidrocelës është një ënjtje pa dhimbje e skrotumit. Tek të rriturit, pesha mund të shkaktojë një ndjenjë shqetësimi.

❓Si të parandalojmë hidrocelën?
Nuk ka metoda për të parandaluar hidrocelën kongjenitale. Në vend të kësaj mund të shmanget hidrocela reaktive duke mbrojtur skrotumin nga traumat.

▶️▶️Nëse vëreni enjtje, skuqje apo edhe dhimbje të testikujve, kontaktoni menjëherë mjekun urolog