Çfarë është “Breath Test” ose testi i frymëmarrjes?

‘Breath Test’ apo ‘Testi i frymëmarrjes’, është nje testim që mundëson diagnostikimin e intolerancave ushqimore dhe sindromave të mospërthithjes të lëndëve si laktoza, fruktoza, glukoza etj.

Duke qënë se simptomat e shkaktuara nga intolerancat, si në rastin e laktozës, janë shpesh jo specifike dhe të ngjashme me ato të sëmundjeve të tjera, ‘Breathe Test’ është thelbësor për diagnostikimin ekzakt.

Kur dhe si kryhet?

Në përgjithësi, ‘Breath Test’ rekomandohet nga mjeku kur dyshohet për prezencën e intolerancave të caktuara.

Precedura e testimit është tepër e thjeshtë!

Pasi konsumoni një sasi të sheqerit apo përbërjes të përcaktuar nga mjeku, ju merrni frymë në aparaturë. Në kampionin e marrë nga fryma juaj shqyrtohet niveli i hidrogjenit si treguesi kryesor i fermentimit intestinal të sheqerit të pathithur nga flora bakteriale e kolonit.

Ky është një proces jo invaziv e pa dhimbje dhe rezultatet gjenerohen në një kohë të shkurtër megjithatë, kërkohet një parapërgatitje specifike për kryerjen e testimit.

Diagnostikimi ekzakt i rasteve të intolerancës ju ndihmon që së bashku me mjekun të përcaktoni një regjim ushqimor të përshtatur me parametrat tuaja, si dhe të shmangni njëherë e përgjithnjë simptomat e pakëndshme që shkakton intoleranca.